Լոզանում  հունվարին անցկացված   ձմեռային պատանեկան երրորդ օլիմպիական խաղերի կազմկոմիտեն ներկայացրել է ֆինանսական  հաշվետվություն և  խոսել կառույցների ժառանգության մասին: 

Խաղերի  կազմկոմիտեի  բյուջեն կազմել է շուրջ  51,1 միլիոն դոլար: Ներդրումները կատարել են Լոզանի կառավարությունը, ՄՕԿ –ը  և Շվեյցարիայի ԱՕԿ –ը։

Գործընկերների պայմանագրերից, տոմսերի և հուշանվերների վաճառքից գոյացել է ևս  4,35 միլիոն դոլար: Այսպիսով, ծախսվել է շուրջ 50,7 միլիոն, իսկ  շահույթը գերազանցել է  422 հազար դոլարը: 

Ընդհանուր առմամբ 640,000  մարդ է  մասնակցել  միջոցառմանը: 355 000-ը ներկա է  գտնվել մրցումներին: Երկրպագուներին հատկապես հետաքրքրել է  Լոզանում և Սանկտ  Մորիցում անցկացված  << Lausanne en Jeux! >> մշակութային փառատոնը։ Ինչ վերաբերում է պատանեկան օլիմպիական խաղերի ժառանգությանը, ապա դա առաջին հերթին Լոզանում գտնվող << Vortex >> բնակելի համալիրն է, որտեղ մրցումների  օրերին բնակվել են երիտասարդ օլիմպիականները: Այժմ այնտեղ ապրում են  տեղի համալսարանների ուսանողները։