Կիպրոսի Պաֆոս քաղաքում ապրիլի 15 -16-ին տեղի է ունեցել  Եվրոպական Միության (ԵՄ) սպորտային ֆորումը:  

Տեսաուղերձով  հանդես  է եկել  ՄՕԿ-ի նախագահ Քիրստի Քովենթրին: Նա  ընդգծել է սպորտի եզակի դերը մարդկանց միավորելու գործում՝ աճող համաշխարհային հակամարտության ժամանակաշրջանում:

Նախագահը  կոչ է արել ԵՄ-ին և դրա անդամ պետություններին, հարգել սպորտի ինքնավարությունը, աջակցել ՄՕԿ-ի և օլիմպիական խաղերի քաղաքական չեզոքությանը: Սպորտի միավորող ուժը կարող է իրականություն դառնալ, եթե այն պաշտպանված լինի քաղաքական միջամտությունից, եթե  սպորտը պահպանենք խիստ չեզոք դաշտում:

Բանախոսը նաև  դիմել է  եվրոպացի առաջնորդներին. «Ես կոչ եմ անում ԵՄ-ին և դրա անդամ պետություններին պահպանել այս սկզբունքները, որոնք  այնքան հաճախ ենք ճանաչել. հարգել սպորտի ինքնավարությունը, աջակցել ՄՕԿ-ի և օիմպիական խաղերի քաղաքական չեզոքությանը: Միայն այդ դեպքում սպորտի ուժը կարող է իսկապես բացահայտվել: Եթե  հավատարիմ մնանք մեզ միավորող սկզբունքներին և արժեքներին, ապա կասկած չունեմ, որ սպորտը կարող է շարունակել իր դերը խաղալ մեր հասարակությունում, և որ օլիմպիական խաղերը կարող են շարունակել հույսի փարոս լինել  բոլորիս համար»։