Տեղի է ունեցել ՄԱԿ-ի գլխավոր վեհաժողովը։ Հայտարարվել է, որ հավատարիմ մնալով օլիմպիական գաղափարներին,  Տոկիոյի օլիմպիական  և պարալիմպիկ   խաղերի մեկնարկից և ավարտից  յոթական օր առաջ և հետո պետք է հրադադար տիրի աշխարհում / հուլիսի 16 –ից մինչև սեպտեմբերի 12 –ը /։   

Օլիմպիական հրադադարի մասին նոր ժամկետները բացատրվում  են խաղերի մեկամյա  հետաձգմամբ։

ՄՕԿ –ի նախագահ  Թոմաս Բախն ասել է, որ աշխարհի 206 երկրների ԱՕԿ – ների աջակցության շնորհիվ  ընդգծվում է օլիմպիական խաղերի միավորող ուժը, որը բովանդակում է  համայն մարդկության միասնության տոնը։ Բոլոր մարզիկներն ունեն միևնույն իրավունքները և առանց խտրության հարգում են միմյանց: Այս որոշումը հաստատում է, որ գալիք մարզահանդեսը  լույս է  սփռելու մութ թունելի վերջում, որով մեր օրերում անցնում է մարդկությունը։

Մրցաշարերի ընթացքում զինադադարի կնքման ավանդույթը ծնվել է Հին Հունաստանում մ.թ.ա. VIII դարում:  Դա հնարավորություն է ընձեռել  մարզիկներին, որ նրանք մրցումների մեկնեն ու տուն վերադառնան ապահով։

Օլիմպիական զինադադար  հաստատելու մասին կոչը  ՄՕԿ –ը հայտարարել է 1992թ․։ Մեկ տարի անց այդ նախաձեռնությանը աջակցել է  ՄԱԿ-ի գլխավոր ասամբլեան՝   48 / 11 բանաձևով։ Այդ ժամանակից սկսած, ձմեռային և ամառային խաղերից առաջ, կազմակերպիչ երկրները հայտարարում են բանաձևի իրենց տեքստը։ Բայց վերնագիրն անփոփոխ է․   << Հավատարիմ մնալով  օլիմպիական գաղափարներին, սպորտի միջոցով  աշխարհում հաստատել խաղաղություն, բարեկեցություն, համերաշխություն >>։  

Հիշեցնենք, որ << Տոկիո – 2020 >> -ը նախատեսված է անցկացնել  2021թ․ հուլիսի 23 – ից օգոստոսի 8 –ը , իսկ պարալիմպիկը ՝  օգոստոսի 24 –ից սեպտեմբերի 5 –ը։