Ստամբուլում անցկացվեց Բալկանյան երկրների աթլետիկայի  ձմեռային առաջնությունը: Մասնակիցների թվում էին նաև Հայաստանի ներկայացուցիչները: Նրանցից  գյումրեցի  Երվանդ Մկրտչյանը 1500մ. տարածությունը  վազեց  3, 45․55  ժամանակում, առաջինը  հատեց եզրագիծը և ճանաչվեց  հաղթող:  

Եռացատկորդների մրցաշարում  կապանցի Լևոն Աղասյանը 16.28 մ.  արդյունքով գրավեց երկրորդ տեղը:

Դժգոհելու տեղիք  չտվեցին  վանաձորցի  վազորդ Էլլադա Ալավերդյանը  և արտաշատցի  եռացատկորդ Գոռ Հովակիմյանը: Էլլադան 800 մետրը  հաղթահարեց  2, 07․97 րոպեում և սահմանեց հանրապետական  ռեկորդ, իսկ Գոռը՝   15,59 մ.  ցուցանիշով բարելավեց  իր անձնական   արդյունքը:

Հարկ է ասել, որ  Երվանդ Մկրտչյանը իր հմտությունները կդրսևորի նաև  փետրվարի 13-ին Բելգրադում  սկսվելիք Belgrade Indoor Meeting 2024 մրցաշարում։