ՆՈՐԱՄՈՒՏ ՝ ՏՈԿԻՈՅԻ ԽԱՂԵՐՈՒՄ

10:31 - 13 Հուլ, 2020

Հեծանվասպորտի միջազգային միությունը  / UCI / չեղյալ է  հայտարարել  BMX- ի / հեծանվամոտոկրոս /  2020թ․ աշխարհի առաջնությունը, որը պետք է անցկացվեր  մայիսի 26- 31-ը ԱՄՆ Հյուսթոն քաղաքում: Համաճարակի պատճառով մրցաշարը հետաձգվել էր անորոշ ժամանակով և կազմակերպիչները չկարողացան գտնել առաջնության այլընտրանքային ժամկետ: Միությունը հայտնել է, որ այն արդեն կկայանա 2021 թ․ օգոստոսի 20-25-ը՝  Նիդեռլանդներում:

BMX –ը  հեծանվասպորտի մրցաձևերից մեկն է: Այն առաջին անգամ հայտնվել է  70-ականներին,  ԱՄՆ-ում: Հետո մարզաձևը տարածվել է  նաև այլ մայրցամաքներում։ 1981-ին հիմնադրվել է միջազգային ֆեդերացիան  / IBMXF /  և 1982թ․ կայացել է աշխարհի առաջին առաջնությունը։ 1993թ․ այն ընդգրկվել  է հեծանվասպորտի միջազգային միության կազմում, իսկ 2003թ․ ՄՕԿ –ը ներառել է 2008թ․ Պեկինի ամառային օլիմպիական խաղերի ծրագրում: 

Առաջին չեմպիոններն են  Մարիս Շտրոմբերգսը / Լատվիա/  և Ան- Կարոլին Շոսսոնը /  Ֆրանսիա/ : 

Տոկիոյի  խաղերում իր նորամուտը կնշի  BMX ազատ ոճը: Կխաղարկվի մեդալների 2 հավաքածու, որոնց համար կպայքարեն  9 –ական  տղամարդ և կին: 

 

Այլ նորություններ