ՄԻԱԿ ԳՈԼԸ ՝ ԻՆՔՆԱԳՈԼԻ ՀԱՇՎԻՆ
11:37 - 02 Սեպ, 2022
Հայաստանի կանանց Ֆուտբոլի հավաքականը իներորդ անընդմեջ պարտությունը կրեց աշխարհի առաջնության որակավորման փուլի ընտրական մրցաշարում:
Հերթական ՝ իներորդ խաղում, մեր թիմին հաջողվեց իր հաշվին գոլ գրանցել: Կոսովոյում հայ մարզուհիները 1 : 2 հաշվով զիջեցին տանտերերին: Նշենք, որ այդ միակ գոլը մեր թիմի օգտին գրանցեց տանտիրուհիներից ինքնագոլի հեղինակ դարձած Բլերտա Սմաիլին:
Փաստորեն մեր մարզուհիները այդպես էլ, թեկուզ մեկ անգամ, դիպուկություն չեն դրսևորում և գոլի հեղինակ չեն դառնում:
Հայաստանի թիմը միավոր չի վաստակել և եզրափակում է մրցաշարային աղյուսակը: Խփած և բաց թողած գոլերի հարաբերակցությունը 1։64 է։
Երևանում, սեպտեմբերի վեցին, մեր թիմը կմրցի բելգիացիների հետ և դրանով կավարտի իր մասնակցությունը նշած մրցաշարում:
Այլ նորություններ
