Ծանրամարտի Հայաստանի կանանց հավաքականը նախապատրաստվում է Եվրոպայի առաջնությանը

15:00 - 22 Հուն, 2016

 Ծանրամարտի Հայաստանի կանանց հավաքականը ծաղկաձորյան հավաքով` նախապատրաստվում է Հայաստանի և Եվրոպայի առաջնություններին:

«Ուսումնամարզական այս հավաքին մասնակցում են 4 մարզիկ, իսկ մեր մյուս ծանրորդները` Սոնա Պողոսյանը և Իզաբելա Յայլյանը վատառողջ են և չեն եկել Ծաղկաձոր: Նրանք թիմին կմիանան հանրապետության առաջնության ավարտին: Այս տարվա ուսումնամարզական հավաքի խտությունը կապում եմ Օլիմպիական խաղերին լավ նախապատրաստվելու հետ: Որքան մարզիկն ավելի քիչ մնա տանը, այդքան ավելի լավ»,-ՀԱՕԿ լրատվական հետ զրույցում ասաց Հայաստանի ծանրամարտի կանանց հավաքականի գլխավոր մարզիչ Արտաշես Ներսիսյանը:

Մարզական հավաքը մեկնարկել է հունվարի 15-ին և կեզրափակվի 31-ին: 

ՀԱՕԿ լրատվության բաժին

Այլ նորություններ