Մեր երկիրն  առայժմ ունի օլիմպիական խաղերի մասնակցության չորս ուղեգիր: Այդ թիվն անշուշտ կավելանա, եթե, իհարկե, կրկին չխանգարի համավարակը և վարկանիշային մրցաշարերը  կայանան նախատեսված ժամկետներում:

Մեր չորս օլիմպիականներից  մեկը  բռնցքամարտիկ Կորյուն Սողոմոնյանն է: Նա աշխարհի, Եվրոպայի պատանեկան և երիտասարդական  առաջնությունների  ոսկե մեդալակիր է: 

ՀՀ գլխավոր թիմի  կազմում  հանդես է եկել է  միջազգային պաշտոնական մրցաշարերում: Քանիցս ձախողվել է կողմնակալ  մրցավարության պատճառով, հուսալքվել  ու դադարել է մարզվել:

        - Մեկ – երկու տարի պարապուրդի մատնվեցի, այլ աշխատանքի անցա: Բայց դրամն ինձ այդպես էլ չձգեց ՙ  <<  կուլ  չտվեց  >>  : Անձնական մարզիչ  հայրս ուրախացավ, երբ ցանկություն  հայտնեցի վերադառնալ բռնցքամարտ:  Թեև Զովունիում   նույն տանն ենք ապրում, բայց  կարոտել  էի ռինգը, մենամարտելուն, վաստակավոր  մարզիչ  հորս ցուցումներին . . .

        - Շարունակիր, Կորյուն, ինչու լռեցիր:

        -  Միշտ հաղթելու ցանկությամբ եմ  ելել  ասպարեզ: Երբ իմ գործողությունները կառավարել է հայրս, լինի մրցում , թե՝  ուսումնամարզական հավաք , հիմնականում հաջողության եմ հասել: Իհարկե  շնորհակալ  եմ  նաև հավաքականների մարզիչներին , որոնք նույնպես նպաստել են վարպետությանս  առաջընթացին:

        -  Մի քանի խոսք էլ  թիմակիցներիդ  մասին: Ովքեր կարող են քեզ ընկերակցել  Տոկիոյի մրցաբեմում:Մեր հավաքականի բոլոր տղաներն են արժանի  դառնալ օլիմպիական: Եվ նրանք հուսախաբ չեն անի, եթե կրկին չխանգարի համավարակը: Մեր թիմը զորեղ  կոլեկտիվ է:

         -  Կորյուն  ընթերցողներին հիշեցնենք նաև հետևյալը: 2020թ. մարտի 16 –ին  դու հաղթեցիր  Իսրայելը ներկայացնող մեր հայրենակից Դավիթ Ալավերդյանին, մտար կիսաեզրափակիչ, դարձար օլիմպիական ու . . .  կորոնավիրուսն իր գոյությամբ ,ՄՕԿ –ի հրահանգով, կասեցրեց  մրցաշարի ընթացքը: Այլապես հնարավոր է, որ արդեն իրականություն դարձած լիներ  թիմակիցներիդ  մասին քո բարձր  գնահատականը:

          -   Նաև ցանկանում եմ , որ կիսատ մնացած  լոնդոնյան  մրցաշարը վերսկսվի, մրցման ելնեն ընկերներս, նրանց հետ  նաև ՝ ինքս. ինչու  չշարունակել , մրցել  բարձրակարգ վարպետների դեմ, հարստացնել մրցափորձը ու ուղեգրի արժանանալուց բացի դառնալ նույն մրցաշարի եզրափակիչի մասնակից ,   ինչու  չէ  նաև՝   հաղթող:

 Հ.Գ. -  Կորյուն Սողոմոնյանը 28 տարեկան է,ամուսնացած է, ունի  երկու երեխա՝  տղա և աղջիկ: Ինպես հայտնի է ,  իր փոքր  եղբայր  Տարոնը նույնպես բռնցքամարտիկ է  և հաջողություններ է գրանցել միջազգային մրցումներում:

Եղբայրները   բարձր են գնահատում  իրենց անձնական մարզիչ հոր ՝  ՀՀ վաստակավոր մարզիչ  Սամվել Սողոմոնյանին  և  նախկին պարուհի  մոր  դերը՝  իրենց  կայացման և մարզական որակներ ժառանգելու գործում: Իսկ օլիմպիական խաղեր Կորյունը կմեկնի մեդալակիր դառնալու, պատվո պատվանդան բարձրանալու վճռականությամբ: Հավատանք ապարանցի  ծնողների զավակին: