Օլիմպավանում փետրվարի 8 -20  -ը անցկացվում  են  Հայաստանի ձյուդոյի հավաքականի հերթական ուսումնամարզական պարապմունքները: Այս գիշեր մարզիկների թիվը մեկով պակասեց: Մեր առաջատար վարպետ Ֆերդինանդ Կարապետյանը / 73 կգ /  գլխավոր մարզիչ Հովհաննես Դավթյանի ուղեկցությամբ մեկնեց Իսրայել: Այնտեղ նրանք պետք է թեստավորվեն և, հուսանք ,որ բացասական պատասխան ստանալուց հետո, երեք օր անց,  Ֆերդինանդը մրցելույթ կունենա <<  Մեծ սաղավարտ >> անվանումով  թելավիվյան միջազգային վարկանիշային մրցաշարում:

Ուզում ենք հավատալ , որ  ամեն  բան հաջող ընթացք կունենա և հայ մարզիկը հաղթական գոտեմարտերով կհարստացնի իր  օլիմպիական վարկանիշային միավորների պաշարը: