ԿԺԴՀ – Ն ԽԱՌՆԵԼ Է ԽԱՂԱՔԱՐՏԵՐԸ

15:22 - 06 Ապր, 2021

Այսօր առավոտյան տեղեկացանք, որ    Հյուսիսային Կորեան իր մարզիկներին չի գործուղելու Տոկիոյի օլիմպիական խաղեր: Բայց օրվա երկրորդ կեսին միջազգային օլիմպիական կոմիտեն  / ՄՕԿ /  հայտնեց,  որ   ԿԺԴՀ – ի  ԱՕԿ – ից Տոկիոյի մարզահանդեսին մասնակցելու մասին, օլիմպիական խարտիայի համաձայն, որևէ   պաշտոնական մերժում չի  ստացել: Այդ հարցով  ՄՕԿ-ի բազմաթիվ  խնդրանքներին Փհենյանը չի արձագանքել և  չի հաջողվել համատեղ տեսակոնֆերանս անցկացնել:

Այս  առթիվ  Ճապոնիայի ԱՕԿ –ի նախագահ Յաշիհուրո Յամաշիտեն  իր ափսոսանքն է հայտնել  ԿԺԴՀ –ի բռնած դիրքի համար, ասելով, որ կցանկանար բոլոր երկրների պատվիրակների մասնակցությունը  խաղերին:   Իր հերթին Տոկիո -2020 կազմկոմիտեի ղեկավար Սեյկո Հաշիմոտոն, մեկնաբանելով Փհենյանի որոշումը, նշել է,  որ Ճապոնիան կշարունակի ջանքեր գործադրել մարզիկների համար անվտանգ մասնակցության պայմաններ ստեղծելու ուղղությամբ:

 

 

Այլ նորություններ