Սոֆիայում մեկնարկել է ըմբշամարտի միջազգային վարկանիշային մրցաշարը:

Առաջինը մրցագորգ ելան ազատ ոճայինները: Օրը հաջողություն չբերեց Հայաստանի պատվիրակներին: Արման Անդրեասյանը / 74 կգ / և Հովհաննես Մխիթարյանը / 86 կգ /  տարբեր փուլերում ձախողվեցին, եզրափակիչ չմտան և անմասն մնացին խաղարկվող օլիմպիական ուղեգրերից:

Հայաստանի պատվիրակության կազմում մեր ազատ ոճայիններից Տոկիո կմեկնեն  Արսեն Հարությունյանը  / 57 կգ /  և Վազգեն Թևանյանը / 65 կգ /:

Սոֆիայի մրցագորգերը մայիսի ութից կտրամադրվեն հունահռոմեական ոճի ըմբիշներին: Հայաստանից պայքարի կելնեն Արմեն Մելիքյանը  / 60 կգ /, Կարեն Ասլանյանը / 67 կգ / , Արթուր Շահինյանը  / 87 կգ /  և Դավիթ Օվասապյանը  / 130 կգ /: