Տեղի  է ունեցել ՄՕԿ – ի  և  << Տոկիո – 2020 >>  կազմկոմիտեի  հերթական հեռավար նիստը:

ՄՕԿ –ի նախագահ Թոմաս Բախն ասել է, որ Տոկիոյի օլիմպիական խաղերի մասնակիցների ավելի քան 80% -ը Ճապոնիա կմեկնի կորոնավիրուսի դեմ պատվաստված վիճակում: Այժմ մարզիկների 75% -ը պատվաստվել  կամ պատրաստվում է այդ գործընթացին:

Բախը բարձր է  գնահատել նաև Ճապոնիայի  կատարած նախապատրաստական աշխատանքները: Թեստային մրցումները համապատասխանել են  անվտանգության բոլոր պահանջներին:

Այս օլիմպիական մարզահանդեսը  հնարավոր կդառնա  Ճապոնիայի անհավատալի ոգու և համառության շնորհիվ, - հավելել  է ՄՕԿ –ի առաջնորդը:

Ի դեպ, Թոմաս Բախի այցը Ճապոնիա, որը  հետաձգվել էր կորոնավիրուսի իրավիճակի պատճառով, կկայանա հուլիսի 12-ին: Այս մասին հայտնում է Kyodo գործակալությունը: Այն տեղի կունենա Տոկիոյի ամառային օլիմպիական խաղերի մեկնարկից ընդամենը 11 օր առաջ: