ԼԵՎՈՆ ՀՈՎՀԱՆՆԻՍՅԱՆԸ 80 ՏԱՐԵԿԱՆ Է
Այսօր լրացավ բռնցքամարտից ԽՍՀՄ սպորտի վարպետ, վաստակավոր մարզիչ, միջազգային կարգի մրցավար, ՀՀ ֆիզկուլտուրայի և սպորտի վաստակավոր գործիչ Լևոն Գուրգենի Հովհաննիսյանի ծննդյան 80 –ամյակը:
Ծնվել է Երևանում, եղել է անցյալի նշանավոր բռնցքամարտիկ:
Գործուն սպորտին հրաժեշտ տալուց հետո համալրել է մարզիչների շարքը , պատրաստել է բազմաթիվ վարպետներ: Նրանցից մեկն է ԽՍՀՄ բազմակի չեմպիոն, աշխարհի գավաթակիր, Եվրոպայի առաջնության մեդալակիր , գերծանրքաշային Խորեն Ինջեյանը:
ՀԱՄԽ –ի << Աշխատանք >> ԿՄԸ հանրապետական խորհրդի բռնցքամարտի մասնագիտացված մարզադպրոցի հիմնադիր տնօրենն է եղել: Նրա ղեկավարման օրոք մարզօջախում աճել են միջազգային ճանաչման արժանացած բազմաթիվ մարզիկներ: Նրանցից մեկն է աշխահի չեմպիոն և գավաթակիր Նշան Մունչյանը:
Զբաղեցրել է պատասխանատու պաշտոններ սպորտի պետական և հասարարական գլխավոր կառույցներում:
Այժմ իր հարուստ փորձն ու գիտելիքներն է հաղորդում Երևանի պետական օլիմպիական մարզական քոլեջի սովորողներին:
Ֆիզիկական կուլտուրայի և սպորտի զարգացման, օլիմպիական գաղափարների տարածման գործում ներդրած ծառայությունների համար, ծննդյան հոբելյանական տարեդարձի առթիվ, Հայաստանի ազգային օլիմպիական կոմիտեն Լևոն Հովհաննիսյանին պարգևատրել է Հայաստանի բոլոր ժամանակների կաշվե ձեռնոցի լավագույն վարպետ , օլիմպիական խաղերի մեր երկրի միակ չեմպիոն Վլադիմիր Ենգիբարյանի անվան մեդալով:
ՀԱՕԿ նախագահ Գագիկ Ծառուկյանի հանձնարարականով պատվավոր պարգևը հոբելյարին հանձնեց ՀԱՕԿ –ի փոխնախագահ , ֆիզկուլտուրայի և սպորտի վաստակավոր գործիչ Դերենիկ Գաբրիելյանը:
