Երևանի  Տիգրան Պետրոսյանի անվան շախմատիստի տանն ավարտվեց աշխարհի գավաթի խաղարկության եվրոպական գոտու տղամարդկանց հեռավար մրցաշարը: Իրենց ունակությունները դրսևորեցին հին աշխարհամասի շուրջ 30 երկրների ավելի քան 270 շախմատիստներ:

Եվրոպական գոտուց վճռական փուլին կմասնակցեն 36 հաջողակները: Նրանց թվում են մեր երկրի ներկայացուցիչներ, գրոսմայստերներ  Գաբրիել Սարգսյանը,  Հովհաննես Գաբուզյանը, Հայկ Մարտիրոսյանը   և  Շանթ Սարգսյանը:

Պատվավոր գավաթի համար պայքարը կանցկացվի հուլիս – օգոստոս ամիսներին ՝ Սոչիում, առկա /  դասական /  տարբերակով: