ՆՈՒՅՆ ՄԱՐԶՉԻ ՍԱՆԵՐԸ
10:57 - 20 Օգո, 2021
Ռիգայում երեկ ավարտվեց Եվրոպայի ձյուդոյի պատանեկան հերթական առաջնությունը:
Հայաստանը ներկայացրել էր ինը մարզիկ: Առավել հաջող հանդես եկան Երևանի պետական մարզական օլիմպիական քոլեջի մարզիչ Վահե Թորոսյանի անձնական աշակերտները: Նրանցից Արտակ Թորոսյանը / 66 կգ / բոլորից շատ հաղթանակներ տոնեց, գրավեց երրորդ տեղը և պարգևատրվեց բրոնզե մեդալով:
Մրցանակային հինգերորդ տեղը գրավեց Գոռ Կարապետյանը / 81 կգ / :
Առաջիկա սեպտեմբերի 9 - 12 –ը, Լյուքսեմբուրգում իրենց հարաբերությունները կորոշեն Եվրոպայի երիտասարդ ձյուդոիստները: Հավաքականի ավագ մարզիչ, գյումրեցի Դավիթ Խաչատրյանը նախապես որոշել էր մրցավայր ուղեկցել չորս մարզիկի: Վերջնական կազմը կհրապարակվի մրցաշարի մեկնելու նախօրերին:
Այլ նորություններ
