ՇՆՈՐՀԱՎՈՐ ՁԵՐ ՏՈՆԸ, ՀԱՐԳԱՐԺԱՆ ՄԱՆԿԱՎԱՐԺՆԵՐ

15:37 - 05 Հոկ, 2021

Մեր  երկրում   հոկտեմբերի 5 –ը  նշվում է  ուսուցչի  մասնագիտական տոնը: Այն որոշվել է  1994 թ.` ՅՈՒՆԵՍԿՕ –ի կողմից,  որպես ամբողջ կրթական ոլորտի աշխատողների մասնագիտական տոն:  Այդ առթիվ Հայաստանի ազգային  օլիմպիական կոմիտեի աշխատակազմը շնորհավորում է  հանրակրթական  դպրոցների, կրթական  հաստատությունների,  և իհարկե  մարզադպրոցների բոլոր մանկավարժներին  ու աշխատակիցներին  :

Սպորտի մասնագետները մարզիչ են, մանկավարժ, հոգեբան և դաստիարակ: Նրանք սիրով են կատարում իրենց աշխատանքը,  գնահատում ու փայփայում, ուշադրության կենտրոնում են պահում  սաների  առօրյան: Նման հոգատարության շնորհիվ մարզադպրոց ոտք դրած երեխաները կապվում են սպորտի հետ,  սիրում ընտրած մարզաձևը,  մարզիչներին  ու քայլում են հաջողության ճանապարհով: Ուսուցիչները  նպատակադրված պարապմունքներով իրենց խնամարկյալներին հասցնում են չեմպիոնական պատվանդանին :

Հենց վերջերս Եվրոպայի ըմբշամարտի, բռնցքամարտի, ծանրամարտի պատանեկան և երիտասարդական առաջնություններում դպրոցականներով և  սովորող երիտասարդներով համալրված մեր թիմերը մեդալների առատ հունձք կատարեցին:

Ուսուցչի օրն ընդգրկված  է  ՄԱԿ –ի կողմից նշվող միջազգային օրերի ցանկում  և 100 -  ից ավելի պետություններ նշում են այն:

Շնորհավոր Ձեր տոնը,  հարգարժան  մանկավարժներ:

                             ՀԱՅԱՍՏԱՆԻ  ԱԶԳԱՅԻՆ  ՕԼԻՄՊԻԱԿԱՆ  ԿՈՄԻՏԵ 

 

 

Այլ նորություններ