Ստամբուլում դեկտեմբերի 6 – 19 –ը նշանակված  կանանց բռնցքամարտի աշխարհի առաջնությունը համաճարակի ծանր իրավիճակի պատճառով չեղարկվել է: Այս մասին հայտնում է բռնցքամարտի միջազգային ասոցիացիան (AIBA):

Կազմակերպության նախագահ Ումար Կրեմլյովը ասել է, որ կարևորը մասնակիցների առողջությունն է: Որոշ թիմեր  նախապատրաստվում են  առաջնությանը: Բայց նրանք մրցաշարի չեղարկման համար չպիտի հիասթափվեն, քանզի  առավել կարևոր է  մարզուհիների, պաշտոնյաների, շահագրգիռ մյուս հանձնախմբերի  անվտանգության ապահովումը:

Ի դեպ, ԽՍՀՄ վաստակավոր մարզիչ Ռաֆայել Մեհրաբյանի ղեկավարությամբ, այս օրերին, աշխարհի առաջնության նախապատրաստական հերթական  հավաքն է Աբովյանում անցկացնում ՀՀ կանանց բռնցքամարտի հավաքականը: