Հայաստանի տղամարդկանց բասկետբոլի առաջնության եզրափակիչում միմյանց հետ մրցեցին  «Ֆոքսիս» - ԲԿՄԱ թիմերը: Մրցակիցներից բացի, ներկաները նույնպես որոշ չափով նախամեկնարկային տենդ ապրեցին: Չէ որ խաղադաշտում պայքար էր ընթանալու երկրի չեմպիոնի և խաղարկված  ոսկե մեդալների համար:

Ենթադրությունը ճիշտ էր: Թերևս արժե նշել, որ ամբողջ հանդիպման ընթացքում կողմերի խաղացողները գնահատելի պատրաստականություն դրսևորեցին:

Կարծում ենք, որ ընդհանուր համապատկերում զգալի դեր կատարեց, կասեինք`  տակտիկական առավել ճկունություն դրսևորեց բանակային մարզիկների գլխավոր մարզիչ Վարդան խաչատրյանը, որը ճիշտ հրահանգներով հուսալի դարձրեց իր թիմի պաշտպանությունը: Բացի այդ, երեք միավորանոց դիպուկ նետումներով ներկաների բուռն ծափերին բազմիցս արժանացավ բանակայինների առաջատար Ալբերտ Թադևոսյանը: Խաղադաշտում նա վաստակեց բոլորից շատ ՝ 36 միավոր: Ալբերտը նաև ութ անգամ արդյունավետ, « գոլային » փոխանցում կատարեց ու հինգ անգամ էլ   տիրեց  օղակից անդրադարձած  գնդակին:

Արդեն հասկանալի է, որ հաղթեցին երիտասարդ բանակային  մարզիկները  / 112 : 91 /, որոնք  գերազանցեցին նաև արագությամբ:

Բրոնզե պարգևներին արժանացավ «Էրեբունին», որը  հաղթեց «Ուրարտուին»՝ 119 : 88:

Շնորհավորում ենք ՀՀ չեմպիոնին, արծաթե և բրոնզե մեդալակիրներին ու հաջողություն մաղթում հետագա ստուգատեսներում: