Պեկինում նախատեսված 24 –րդ ձմեռային օիմպիական խաղերի մեկնարկին մնացել է 66 օր:  Իսկ առողջապահության համաշխարհային կազմակերպությունը նոր ՝ << Օմիկրոն >>  շտամի  հայտնաբերումը մտահոգիչ է համարում: Ավելին, համաշխարհային բժշկական ասոցիացիայի նախագահ Ֆրանկ Ուլրիխ Մոնտգոմերին հայտնել է, որ  որ  << Օմիկրոնը >> կարելի է  համեմատել << Էբոլա >> վիրուսի հետ և այն նույնքան վարակիչ է,  որքան <<  Դելտա >>  շտամը: 

Համաճարակի նոր բռնկումների պատճառով մտահոգ են նաև  համաշխարհային սպորտի ղեկավարները: Նույնիսկ Պեկինի ձմեռային օլիմպիական խաղերի լինել – չլինելու հարցն է քննարկվում:

Կրքերը հանդարտեցնող հանգամանք նույնպես կա : Չինաստանի արտաքին գործերի նախարարության խոսնակ Չժաո Լիցզյանը  լրագրողների հետ ճեպազրույցում  ասել է, որ օլիմպիական խաղերի վրա <<  Օմիկրոնի >>   ազդեցությունը    կանխարգելման և վերահսկման որոշակի մարտահրավերներ կառաջացնի, սակայն  իրենց երկրում COVID-19- ի տարածումը կանխելու,  դրա դեմ պայքարելու հաջողված փորձի շնորհիվ  ձմեռային մարզահանդեսը կկայանա նախատեսված ժամանակացույցով:

Հետևենք իրադարձությունների ընթացքին: