ՀԱՅԱՍՏԱՆԻ ԲԱՍԿԵՏԲՈԼԻՍՏՆԵՐԸ ՝ ԵՎՐՈՊԱՅԻ ԱՌԱՋՆՈՒԹՅՈՒՆՆԵՐՈՒՄ
Հայաստանի բասկետբոլի ֆեդերացիան / ՀԲՖ / Եվրոպայի տարիքային տարբեր խմբերի 2022թ. առաջնություններում մեր թիմերի մասնակցության հայտ է ներկայացրել:
Տղամարդկանց հավաքականը ելույթ կունենա փոքր երկրների առաջնությունում, որը կանցկացվի հունիսի 28-ից՝ հուլիսի 3-ը / մրցավայրը դեռևս հայտնի չէ /:
C դիվիզիոնի մրցաշարում հանդես կգան Հայաստանի մինչև 16 և մինչև 18 տարեկան տղաների հավաքականները:
Մինչև 16 տարեկանները կմրցեն հուլիսի 12-17-ը՝ Կոսովոյի Պրիշտինա քաղաքում, իսկ մինչև 18 տարեկանները ՝ հուլիսի 26-31-ը՝ Սան-Մարինոյում:
Կանանց պայքարում Հայաստանը կներկայացնեն մինչև 16 տարեկանների (C դիվիզիոն) և մինչև 20 տարեկանների (B դիվիզիոն) հավաքականները:
Վերը նշած տարիքային խմբերի մրցաշարերը կկայանան համապատասխանաբար հուլիսի 12-17-ը (մրցավայրը դեռևս հայտնի չէ) և հուլիսի 9-17-ը ՝ Հյուսիսային Մակեդոնիայի Սկոպյե քաղաքում:
