ՅՈՒՐԱՔԱՆՉՅՈՒՐ ՀԱՂԹԱՆԱԿ ՄԵԴԱԼ ԿԱՐԺԵՆԱ

11:57 - 19 Ապր, 2022

Հայաստանի հինգ բռնցքամարտիկներ  այսօր  իրենց հերթական մրցելույթները կունենան Սոֆիայի ռինգում: Հանդիպումները վճռական նշանակություն ունեն, որովհետև յուրաքանչյուր հաղթանակ մեդալի արժեք  ունի:

Եվրոպայի երիտասարդական առաջնության ծրագրով  քառորդ եզրափակիչում են  և կիսաեզրափակիչ մտնելու ու   առնվազն բրոնզե մեդալակիր դառնալու վճռականությամբ ռինգ կելնեն Արեն Ասլամազյանը (51 կգ), որը  մրցելու է ադրբեջանցի Ամին Մամաձադեի,  Էրիկ Իսրայելյանը (60 կգ)՝ չեռնոգորցի Տոմիսլավ Ջինովիչի, Արթուր Մկրտչյանը (63,5 կգ)՝ անգլիացի  Օսամա Մոհամեդի, Արես Հակոբյանը (67 կգ)՝ հույն Գեորգիոս Էֆթիմիադիսի և  Համլետ Ադամյանը (80 կգ)՝ լատվիացի Իլյա Յուրգենոկսի հետ։

Կիսաեզրափակիչ մտնելու հույս էինք փայփայում նաև Աղվան Ալեքսանյանի / 86 կգ / և Ավետիք Հովակիմյանի / 92 կգ / հետ:Նրանք երեկ մրցեցին ու, ավաղ, պարտվեցին:

Թերևս  արժե  նշել , որ մասնագետների կարծիքով  մրցավարները կարող էին հաղթանակը շնորհել մեր Աղվանին:

 

 

Այլ նորություններ