Ստամբուլում  տեղի է ունեցել բռնցքամարտի միջազգային ֆեդերացիայի արտահերթ համագումարը: Կազմակերպության նախագահ է վերընտրվել ռուսաստանցի Ումար Կրեմլյովը: Նա IBA-ն (նախկին AIBA) ղեկավարում է  2020 թվականից: 

Կրեմլյովը  շնորհակալություն է հայտնել  վստահության համար և ասել, որ  միասին կարող են զարգացնել բռնցքամարտը և ամեն ինչ կանեն մարզիկների, մարզիչների և ազգային ֆեդերացիաների  հարմարավետության համար: Մասնավորապես նշել է, որ 18 ամսվա ընթացքում եղել է  50-ից ավելի երկրներում, ծանոթացել իրավիճակին և կշարունակեն բռնցքամարտի ակադեմիաների բացումը բոլոր մայրցամաքներում: Նա նաև ասել է, որ իր ղեկավարած  մարզական կազմակերպությունում քաղաքական քննարկումներ չպետք է  լինեն։ IBA-ն սպորտային  կառույց է, որը զարգացնում է բռնցքամարտը: