Սլովակիայի Բանկա Բիստրիցա քաղաքում  առաջիկա հուլիսի 24 –ին կմեկնարկի Եվրոպայի   ամառային օլիմպիական պատանեկան 16 –րդ  փառատոնը:   

Փառատոնի ՝  խաղաղության ջահը բոցավառվել է Հռոմի Արա Պացիս Ավգուստաե / Ara Pacis Augustae /  հուշահամալիրի զոհասեղանի կրակից:  

Ներկա  են  եղել ԵՕԿ –ի , մրցումների  կազմկոմիտեի, Սլովակիայի,  Իտալիայի  ԱՕԿ –ների  և Հռոմի քաղաքապետարանի ներկայացուցիչները:

ԵՕԿ նախագահ Սպիրոս   Կապրալոսը ասել է, որ տարեսկզբին հաջողությամբ է ավարտվել Վուոկատտիի ձմեռային փառատոնը և վստահություն է հայտնել, որ նույնը կլինի հուլիսին ՝ Բանկա Բիստրիցայի մարզահանդեսում:

Ջահը հանձնվել է փառատոնի կազմակերպիչներին: Մինչ բացման արարողությունը  կրակը  կշրջի Սլովակիայի քաղաքներով և գյուղերով:   

Սպասվում է Եվրոպայի  48 երկրների  ԱՕԿ-ների  14 – 18 տարեկան շուրջ  3000 մարզիկ – մարզուհիների մասնակցություն:

Բանկա Բիստրիցայում մասնակիցները հանդես կգան 11 մարզաձևերում և միասնության ուղերձ կհղեն  Եվրոպայի երիտասարդությանը:

Հայաստանի պատվիրակները նույնպես հանդես կգան ասպարեզներում: Նախատեսված է մրցավայր գործուղել  սպորտային մարմնամարզություն, լող, ձյուդո, բադմինթոն,աթլետիկա,  հեծանվային սպորտ և թենիս մարզաձևերի ներկայացուցիչներ: