Աստիճանաբար եզրագծին է մոտենում Բոգոտայում անցկացվող ծանրամարտի աշխարհի առաջնությունը:

Հայաստանի հավաքականը ունեցավ իր առաջին մեդալակիրը: Նա Սամվել Գասպարյանն է / 102 կգ /, որը հաջողության հասավ 29  հայտավորվածների / նրանցից հինգը դուրս մնաց պայքարից / մրցավեճում:

Սամվելը պոկեց 175 կգ, հրեց 214 կգ և երկամարտի 389 կգ արդյունքով գրավեց երրորդ տեղը ու արժանացավ բրոնզե մեդալի:

Արժե նշել, որ  գյումրեցին ընդամենը երկու կիլոգրամով հետ մնաց չեմպիոն հռչակված քաթարցի Էլբաի  Ֆարե Իբրահիմից ՝ 391 կգ / 174 + 217 /:  

Կանանց մրցաշարում մեր պատվիրակներից ծանրահարթակ ելան 76 կգ քաշայիններ Տաթև Հակոբյանը և Միլենա Խաչատրյանը: Նրանք երկամարտում ցույց տվեցին համապատասխանաբար 227 կգ  / 105+122 /  և 220 կգ  / 100+120կգ / արդյունքներ ու գրավեցին հաջորդաբար 9 –րդ և 11 –րդ տեղերը:

Դեկտեմբերի 15 – ին Հայաստանի ծանրորդներից իրենց ունակությունները կդրսևորեն  Լիանա Գյուրջյանը / 81 կգ / և Հռիփսիմե Խուրշուդյանը / 87 կգ /: