Հնդկաստանի մայրաքաղաք Նյու Դելիում երեկ տեղի ունեցավ կանանց բռնցքամարտի աշխարհի առաջնության բացման հանդիսավոր արարողությունը:  Հայաստանի դրոշը կրելու պատիվը տրվել է  Եվրոպայի գործող չեմպիոն Անի Հովեփյանին:

Վիճակահանության արդյունքներով  հայտնի են դարձել մեր մարզուհիների  առաջին մրցակիցները:

48 կգ. Գայանե Տեր-Բարսեղյան: Նա պայքարը կսկսի 1/16 եզրափակիչից և կմրցի վենեսուելցի Տայոնիս Անաոնիս Ռայոս Կադեոսի հետ:

50 կգ. Անուշ Գրիգորյան: Նա մրցելույթը կսկսի 1/8 եզրափակիչից: Մրցակիցն է  հյուսիսկորեացի  Չորոնգ Բանը:

54 կգ. Եկատերինա Սիչևա: Նա ռինգ կելնի այսօր և կմրցի  Ֆրանսիայի պատվիրակ Դելֆին Մանչինի հետ:

60 կգ. Էլիդա Քոչարյան: Նա 1/16 եզրափակիչում կհանդիպի  սլովակ Միրոսլավա Ժեդինակովայի հետ:

63կգ. Սոնա Հարությունյան: Նա 1/8  փուլում հարաբերությունները կորոշի  թայվանցի  Սու Չինգ-Վենինի հետ:

70 կգ. Անի Հովսեփյան: Նա  կմեկնարկի 1/8 եզրափակիչից: Մրցակիցը կորոշվի չինացի Պան Զու -  հնդիկ Շռուտի Յավադ  զույգի հանդիպումից հետո :