Լեհաստանի Կրակով քաղաքում երեկ երեկոյան տեղի ունեցավ Եվրոպայի ամառային երրորդ խաղերի բացման արարողությունը:

Հենրիկ Ռեյմանի անվան ստադիոնում շքերթի ելած Հայաստանի պատվիրակության դրոշակակիրներն էին աթլետներ, կապանցի Լևոն Աղասյանը և երևանցի  Գայանե Չիլոյանը:

Միջոցառման մասնակիցներին ողջունել  են  Լեհաստանի նախագահ Անջեյ Դուդան, Եվրոպայի օլիմպիական կոմիտեի նախագահ Սպիրոս Կապրալոսը և էլի մի քանի պաշտոնյաներ: Տեսաուղերձով իր խոսքն է  հղել նաև ՄՕԿ – ի  նախագահ Թոմաս Բախը: Ապա հաջորդել է  խաղերի ջահի բոցավառումը:

Հիշեցնենք, որ կապանցի եռացատկորդ Լևոն Աղասյանը երրորդ դիվիզիոնի մրցաշարում, մինչ այս, գրավել էր առաջին տեղը: Նրա համաքաղաքացի, դարձյալ եռացատկորդ,  Յանա Սարգսյանը  երկրորդ տեղն է  գրավել  դիվիզիոնի կանանց պայքարում / 13,06 մետր /: Գյումրեցի վազորդ Երվանդ Մկրտչյանը  երրորդն է  ճանաչվել 1500մ. մրցատարածությունում / 3 րոպե 44,11 վայրկյան /: