Շվեյցարիայի  մայրաքաղաք Լոզանում, որտեղ 1993թ.  հունիսի 23-ին  բացվել է ՄՕԿ –ի օլիմպիական թանգարանը, մինչև հիմա հյուրընակալել է շուրջ  վեց միլիոն այցելու: 

ՄՕԿ –ի թանգարանը  հայտնի է որպես օլիմպիական ժառանգության աշխարհի ամենամեծ և համապարփակ հավաքածուն՝ 900,000 պատկերներով, 58,000 ժամ ֆիլմով, 1,25 գծային կիլոմետր արխիվային փաստաթղթերով և 38,000 հրապարակումներով:

Ժամանակակից օլիմպիական խաղերի հիմնադիր Պիեռ դե Կուբերտենը նպատակ  ուներ խաղերի պատմության համար մշտական տուն ստեղծել: Նրա  երազանքն էր  ունենալ  մի այնպիսի մարզամշակութային օջախ, որտեղ կցուցադրվեր սպորտը, մշակույթը, կրթությունը և օլիմպիական արժեքները, ինչը դարձել է  իրականություն: 

Վերջին երեք տասնամյակների ընթացքում թանգարանը դարձել է ոչ միայն խաղերի հիշողության համընդհանուր կենտրոն, այլ նաև մտորումների, երկխոսության, հարգանքի, բարեկամության և համերաշխության արժեքների ծրագրավորման վայր: Այնտեղ ներկայացված են պատմություններ  օլիմպիականների, ստեղծագործողների, շինարարների, արվեստագետների, կամավորականների մասին, ովքեր նպաստել են  են օլիմպիական շարժմանը:

Թանգարանը ամեն տարի  ընդունում է հարյուր հազարավոր այցելուների՝ մշտական և ժամանակավոր ցուցադրությունների, կրթական  - ուսուցողական  հանրակրթական,  գրադարանային և այլ  հրապուրիչ ծրագրերի շնորհիվ:

Այս տարի նշվում է կառույցի  հոբելյանական՝  30- րդ ամյակը:

Թանգարանի աշխատակիցները  շնորհակալություն են հայտնել բոլոր նրանց, ովքեր օգնել են այդ օջախի ստեղծմանը:  

Հիմնադրման պաշտոնական տոնակատարությունը տեղի կունենա հունիսի 24-ին՝ միջոցառումների ամբողջական ծրագրով: