Հայաստանի թիավարության վերաբերյալ հաճելի լուր ստացվեց: Մարզաձևի հայկական դպրոցի ներկայացուցիչները  առաջին անգամ աշխարհի առաջնությունում լավագույն տասնյակ մտան: Ավելին, սևանցի չորս մարզիկներ կանոէ մարզաձևում,  չորս տեղանոց նավակով, 500մ. տարածությունում,  մտան եզրափակիչ,  գրավեցին պատվավոր յոթերորդ տեղը և լրացրին միջազգային կարգի սպորտի վարպետի նորման: Սա  լուրջ  հաջողություն է, մանավանդ, որ փորձառու մարզիչ Ավետիք Մալխասյանի անձնական սաները երբեք չէին պարապել  չորստեղանոց նավակով: Բանն այն է, որ մեզանում գոյություն չունի, չկա նման նավակ ու նրանք մրցավայրում, համատեղ մի քանի մարզումներ անցկացնելով են  <<  ջուր  մտել >> ու կես խոսքով, շնչառությամբ են զգացել – քաջալերել  միմյանց,  համահունչ թիավարել ու տեղ գտել << հրաշալի >>  յոթնյակում:

Համարենք, որ սա մեզանում թիավարություն մարզաձևի հաջողության սկիզբն է: Մեր քառյակը հանդես է եկել հետևյալ  կազմով. Արա Վիրաբյան, Վահե Դավթյան, Գևորգ Փիլոսյան և Նորիկ Մարգարյան:  

Նշենք, որ Գերմանիայի Դուիսբուրգ քաղաքում անցկացված աշխարհի առաջնությունում, 42 մրցաձևում,  հայտավորված  էին  94 երկրների 2000 մարզիկ –մարզուհիներ / յոթը ՝ Հայաստանից /: