Մեր երկրի առաջատար ինը նշանառուներ կմասնակցեն նոյեմբերի 17 –ից  Լեհաստանի Բելաստոկ քաղաքում  սկսվելիք ուսումնամարզական միջազգային հավաքին:  

Գլխավոր մարզիչ Սեյրան Նիկողոսյանը և երկրորդ մարզիչ  Անդրանիկ Այվազյանը  թիմում ընդգրկել են ատրճանակավարներ   Էմիրա Կարապետյանին, Նարե Գաբրիելյանին, Բենիկ Խլղաթյանին,Զավեն Իգիթյանին,Նորայր Առաքելյանին, Գևորգ Մելքոնյանին, հրացանակիրներ Հրաչիկ Բաբայանին, Սուրեն Քերյանին և Սեդա Գաբրիելյանին:

Հավաքի ավարտից հետո նրանք կմասնակցեն նույն տեղում  նոյեմբերի 29 –ից՝  դեկտեմբերի 3 –ը նշանակված միջաջազգային մրցաշարին / օդամղիչ զենքով /: Այդ ստուգատեսին կհաջորդի  Սերբիայի մայրաքաղաք Բելգրադում դեկտեմբերի 8 –ին սկսվելիք միջազգային մեկ այլ մրցաշար, որին կմասնակցեն նաև մեր հրաձիգները:

Օլիմպիական վարկանիշային  երեք մրցաշար է նախատեսված  հաջորդ մրցաշրջանում՝  հունվար – մայիս ամիսներին:

Հիշեցնենք , որ մեր հրաձիգներից առայժմ  Փարիզի խաղերին մասնակցելու ուղեգիր է նվաճել  միայն  Էլմիրա Կարապետյանը