Երևանում անցկացվեց Հայաստանի վոլեյբոլի ֆեդերացիայի գավաթի խաղարկությունը: Կազմակերպության նախագահության անդամ, Ֆիզիկական կուլտուրայի Հայկական պետական ինստիտուտի դասախոս Հովհաննես Ասմարյանը  զրույցի ժամանակ որոշ մանրամասներ հայտնեց:

Տղամարդկանց  և կանանց 5 –ական թիմեր են մասնակցել պատվավոր ավարի համար մղված պայքարին: Դիտարժան հանդիպումներ եղել են: Գավաթակիր են դարձել կանանց ԽՄՕՄՄ  և տղամարդկանց  ՄՍԿՀ թիմերը:

Տեղեկացանք նաև, որ « Գազպրոմ Արմենիա »  ուսումնա-սպորտային համալիրի  մարզադահլիճում   այսօր  կմեկնարկի  ՀՀ տղամարդկանց « Պրո Լիգա 2023-2024 թթ.»  առաջնության եզրափակիչ փուլը: Հանդես կգան լավագույն չորս թիմերը. ԲԿՄԱ` 37, ՖԻՄԱ ` 36, ՄՍԿՀ ` 35  և Գյումրի ` 16 միավոր: Նրանք իրար  դեմ կպայքարեն շրջանաձև մրցակարգով:

Այսօր ուշ երեկոյան միմյանց հետ հաջորդաբար կմրցեն   ՄՍԿՀ-Գյումրի և ՖԻՄԱ-ԲԿՄԱ զույգերը:

Մրցաշարը կավարտվի ապրիլի 7 –ին: