Եվրոպայի Գրան պրիում Հայաստանի նետաձգության տղամարդկանց հավաքականը գրավել է 3-րդ տեղը

16:55 - 21 Ապր, 2016

Բուլղարիայի մայրաքաղաք Սոֆիայում անցկացված նետաձգության Եվրոպայի Գրան պրիի 1-ին փուլում Հայաստանի տղամարդկանց ընտրանին գրավել է 3-րդ տեղը՝ շրջանցելով Թուրքիայի հավաքականին: 

Տղամարդկանց թիմային պայքարում (94 նետաձիգ) հայ նետաձիգներ Վասիլ Շահնազարյանը , Գևորգ Հազարումյանը և Արամայիս Ապրեսյանը  3-4-րդ տեղերի համար պայքարում հաղթելով Թուրքիայի ներկայացուցիչներին՝ արժանացել են բրոնզե մեդալների: 

Մրցաշարին մասնակցել են 17 պետությունների 157 նետաձիգներ: Գրան պրիին մասնակցել է նաև Նունե Վասիլյանը, ով 63 աղջիկների մեջ զբաղեցրել է 17-րդ հորիզոնականը:

Գրան պրին կայացել է ապրիլի 10-17-ը:

ՀԱՕԿ լրատվության բաժին

 

Այլ նորություններ