Ձյուդոյի օլիմպիական մրցաշարում միշտ կա առնվազն մեկ մշտական հանդիսատես: Նա Ֆրանսիայի գեներալիսիմուս Ժոզեֆ Ժոֆրեի հուշարձանն է, որը հստակ երևում է յուրաքանչյուր հեռարձակման ժամանակ:

Բայց ինչպե՞ս է այն հայտնվել դահլիճում: Բանն այն է, որ ասպարեզը հավաքել են  արձանի շուրջ:

Grand Palais Éphémère-ն, որտեղ տեղի են ունենում ձյուդոյի մրցումները ( այնտեղ նախատեսված են   նաև ըմբշամարտի մրցաշարերը), ժամանակավոր ասպարեզ է, որը կառուցվել է 2021թ. ՝  հատուկ օլիմպիական խաղերի համար։ Այն կանգնած է Շամպ դե Մարսի վրա, Էյֆելյան աշտարակից ոչ հեռու՝ Ժոֆրե հրապարակի կողքին։

Մրցասպարեզը  ապամոնտաժվելու է  խաղերից հետո, այստեղից էլ կոչվում է Éphémère, որը նշանակում է անցողիկ, ժամանակավոր:

Արենայի շրջանակը պատրաստված է փայտից, և այն ամբողջությամբ բաղկացած է մոդուլներից, որոնք կարելի է նորից օգտագործել։

Այդ  վայրում 1936 թվականից ի վեր, գտնվում է հենց Ժոֆրեի հուշարձանը, ում անունով էլ կոչվել է հրապարակը։

Ժոզեֆ Ժոֆրեն առաջին համաշխարհային պատերազմի ժամանակ ղեկավարում էր հյուսիսային և հյուսիսարևելյան ֆրանսիական բանակները։