ՎԱՐԱԶԴԱՏ ԼԱԼԱՅԱՆԸ ՓՈԽՉԵՄՊԻՈՆ
Փարիզի օլիմպիական խաղերում Հայաստանի պատվիրակներից վերջինը հանդես եկավ գերծանրքաշային ծանրորդ Վարազդատ Լալայանը: Նա պոկեց 215 կգ, հրեց 252 կգ և երկամարտի 467 կգ –ով գրավեց երկրորդ տեղը ու արժանացավ արծաթե մեդալի:
Նրանից առաջ անցավ միայն վրացի անպարտելի Լաշա Տալախաձեն, որը ընդամենը երեք կիլոգրամով գերազանցեց մեր մարզիկին և դարձավ օլիմպիական եռակի չեմպիոն:
Առաջին եռյակը 461 կգ –ով եզրափակեց Բահրեյնի դրոշի ներքո հանդես եկած Գոռ Մինասյանը:
102 կգ քաշայինների պայքարում երկամարտի 398 կգ / 186 կգ +212 կգ / արդյունքով չորրորդը ճանաչվեց Գարիկ Կարապետյանը:
Ազատ ըմբշամարտի մրցաշարում ցավալի պարտություն կրեց Հայաստանի ներկայացուցիչ Վազգեն Թևանյանը / 65 կգ /: Հաղթական մեկնարկից հետո նա հանդիպեց Մոնղոլիայի ներկայացուցչի հետ, որին հաղթում էր 5 : 1 հաշվով: Բայց ինչպես մեր մյուս ըմբիշները գոտեմարտի վերջնամասում Վազգենը նույնպես հոգնեց, տանուլ տվեց 5 : 7 հաշվով ու դուրս մնաց մեդալների համար պայքարից:
Այսպիսով Հայաստանի պատվիրակությունը Փարիզի ստուգատեսում նվաճեց երեք արծաթե և մեկ բրոնզե մեդալ:
