Հայաստանի տղամարդկանց բասկետբոլի  ազգային հավաքականի գլխավոր մարզիչ Ռեքս Կալամյանը ՀԲՖ մամուլի քարտուղարության հետ ճեպազրույցում մեկնաբանել է  Մյուխենում  անցկացված  աշխարհի առաջնության վիճակահանության արդյունքները:

«Մենք շատ ոգևորված ենք աշխարհի 2027թ. առաջնության նախընտրական առաջին փուլին մասնակցելու համար։

Հայտնվել ենք Ավստրիայի և Ալբանիայի հետ նույն խմբում։ Նրանք բավականին ուժեղ մրցակիցներ են: Ավելի մանրամասն կուսումնասիրենք նրանց խաղը և ամեն ինչ կանենք հաջողության հասնելու համար։

Տարիներ շարունակ պատրաստվել ենք այս մրցաշարին, որը մեր հնարավորությունն է ցույց տալու, թե որքան ենք զարգացել որպես թիմ: Անհամբերությամբ սպասում ենք այդ դիմակայություններին:

Շնորհակալություն մեր երկրպագուներին և հովանավորներին աջակցության համար»,- ասել է Ռեքս Կալամյանը։

Հիշեցնենք, որ 2027թ.  նախընտրական առաջին փուլի հանդիպումները կմեկնարկեն 2024թ․ փետրվարից։