Ալբանիայի մայրաքաղաք Տիրանայում հոկտեմբերի 28 -  31-ը կանցկացվի  ոչ օլիմպիական քաշային կարգերի՝ ըմբշամարտի  աշխարհի երկրորդ առաջնությունը:  Ծրագրում ընդգրկված են ազատ, հունահռոմեական և կանանց ըմբշամարտը:  

Մեդալների համար կպայքարեն շուրջ  300 մարզիկներ: Յուրաքանչյուր ոճում մրցանակներ կխաղարկվեն  ոչ օլիմպիական չորս քաշային կարգերում.    ազատ ոճ.   61 կգ, 70 կգ, 79 կգ, 92 կգ, կանայք ՝  55 կգ, 59 կգ, 65 կգ, 72 կգ և հունահռոմեական ՝  55 կգ, 63 կգ, 72 կգ, 82 կգ:

Փարիզի  օլիմպիական խաղերին մասնակցած ըմբիշներին թույլ չի  տրվում  մասնակցել  առաջնությանը:

Սա ոչ օլիմպիական քաշային  կարգերի մարզիկների աշխարհի երկրորդ առաջնությունն է: Առաջինը անցկացվել է 2016թ. Բուդապեշտում։

Ներկայացվել են  մասնակիցների նախնական հայտերը: Հայաստանի ազատ ոճի ընտրանու կազմում հանդես  կգան Մեժլում Մեժլումյանը (61 կգ), Արման Անդրեասյանը (70 կգ), Արման Ավագյանը (79 կգ) և  Կնյազ Իբոյանը (92 կգ)։

Հունահռոմեականներից ելույթ կունենան Մանվել Խաչատրյանը (55 կգ), Հրաչյա Պողոսյանը (63 կգ), Աշոտ Խաչատրյանը (72 կգ) և  Կարեն Խաչատրյանը (82 կգ)։