Ֆուտբոլի Հայաստանի ազգային հավաքականը այսօր ՝  հոկտեմբերի 10-ին, երրորդ հանդիպումը կանցկացնի Ազգերի լիգայի C դիվիզիոնի չորրորդ խմբում։

Մեր ընտրանու գլխավոր մարզիչ Ալեքսանդր Պետրակովի ղեկավարած թիմը կhյուրընկալվի Ֆարերյան կղզիների հավաքականին։ Հանդիպումը կկայանա Տորսհավնի «Տորսվյոլուր» ստադիոնում: Խաղի սկիզբը ՝ Երևանի ժամանակով 22:45-ին:

Հանդիպումը սպասարկելու է Ուկրաինայի մրցավարական հանձնախումբը՝  Ալեքսեյ Դերևինսկու գլխավորությամբ: Օգնականներն են  Սեմյոն Շլոնչակն ու Վիկտոր Մատյաշը։ Չորրորդ պաշտոնյան Վիտալի Ռոմանովն է:

Երեք օր հետո մեր ֆուտբոլիստները Երևանում կընդունեն Հյուսիսային Մակեդոնիայի մարզիկներին։

Ազգերի լիգայի C դիվիզիոնի չորրորդ խմբի մրցաշարային աղյուսակը երկու տուրից հետո գլխավորում է Հյուսիսային Մակեդոնիայի հավաքականը, որն ունի չորս միավոր: Հայաստանի ու Լատվիայի հավաքականները վաստակել են երկուական, իսկ Ֆարերյան կղզիների թիմը՝  մեկ միավոր: