Ըմբշամարտի  միջազգային ֆեդերացիան հրապարակել է  2025թ.  նախատեսված  բոլոր տարիքային խմբերի աշխարհի և Եվրոպայի առաջնությունների ժամանակացույցը:

Մարտի 10-16-ը Ալբանիայում կանցկացվի Եվրոպայի մինչև 23 տարեկանների առաջնությունը: Այնուհետև նշանակված է մեծահասակների Եվրոպայի առաջնությունը, որը տեղի կունենա  ապրիլի 7-13-ը՝ Սլովակիայում, իսկ ահա աշխարհի առաջնությունը կանցկացվի սեպտեմբերի 13-21-ը՝  Խորվաթիայում։

Առավել հագեցած է լինելու  հունիս ամիսը: Մինչև 17 տարեկանների Եվրոպայի առաջնությունը տեղի կունենա Հյուսիսային Մակեդոնիայում՝   հունիսի 9-15-ը, մինչև 15 տարեկաններինը ՝ Իտալիայում , հունիսի 25-28-ը, մինչև 20 տարեկաններինը՝ կրկին Իտալիայում, հունիսի 30-ից՝ հուլիսի 6-ը:

Մինչև 17 տարեկանների աշխարհի առաջնությունը կանցկացվի հուլիսի վերջին՝  Հունաստանում, մինչև 20 տարեկաններինը ՝  օգոստոսի կեսերին, Բուլղարիայում, մինչև 23 տարեկաններինը՝  հոկտեմբերին ՝  Սերբիայում: