Հռոմում տեղի է ունեցել << Բակուրիանի - 2025 >>   եվրոպական ձմեռային պատանեկան օլիմպիական փառատոնի (EYOF) Խաղաղության կրակի վառման պաշտոնական արարողությունը:  

Տոնական միջոցառումը ուղեկցվել է  իտալացի և  վրացի երաժիշտների կենդանի կատարումներով: Կազմկոմիտեին հանձնվել է  ԵՕԿ-ի ձիթենին, որն  ավանդաբար  տրվում է  փառատոնը հյուրընկալող երկրին:  Այն Վրաստանում կմնա մինչև մրցումների ավարտը:

Ավանդույթի համաձայն,   խաղաղության կրակը խորհրդանշում է օլիմպիական շարժման հիմնական արժեքները՝  հարգանքը,  բարեկամությունը և  սպորտի միավորման ուժը:

Իր ելույթում ԵՕԿ-ի նախագահ Կապրալոսը կարևորել է  արարողության մեծ նշականությունը և երախտագիտություն է հայտնել  տանտերերին՝  համագործակցության,  կազմակերպված նախապատրաստական աշխատանքների համար: Նա վստահություն է հայտնել, որ Բակուրիանիում կայանալիք  միջոցառումը հիշարժան  կդառնա  14-18 տարեկան եվրոպացի մարզիկների համար, որոնցից շատերը հետագայում կդառնան անվանի  չեմպիոններ:

Կազմակերպիչները իրենց հերթին վստահություն են հայտնել , որ ամեն բան կանեն, որպեսզի փառատոնը հաջողությամբ պսակվի,   ինչպես եղել է  2015թ.,  երբ Վրաստանը հյուրընկալել էր  ամառային EYOF-ը:  

Ելույթ են ունեցել նաև բազմաթիվ բարձրաստիճան անձինք, անվանի մարզիկ - մարզուհիներ:

Եվրոպայի օլիմպիական  պատանեկան ձմեռային  17 –րդ  փառատոնը  տեղի կունենա 2025թ. փետրվարի 9 -16 –ը և  կմասնակցեն 48 երկրների ավելի քան  2000 մարզիկ - մարզուհիներ: