Ավստրիայի  Միտերսիլ  քաղաքում  հունվարի  6 -15 –ը ուսումնամարզական հավաք է կազմակերպել   ձյուդոյի միջազգային ֆեդերացիան:  Մարզումներում  ընդգրկված են 44 երկրների  850 մարզիկներ: Նրանցից երկուսը ներկայացնում են Հայաստանը. Աշիկ Անդրեյանը / 60 կգ / և Հայաստանի քաղաքացիություն ընդունած  մոսկվացի Գրիգորի Պասևեիչը / 81 կգ /:

Հավաքականի գլխավոր մարզիչ  Հովհաննես Դավթյանը հեռախոսակապով հայտնեց, որ միջոցառման ավարտից հետո, մարզումները փետրվարի 11 – 22 –ը կշարունակվեն   մայրաքաղաքի Օլիմպավանում: Նախատեսված է 14 հոգու մասնակցություն: Նպատակ կա  հաջողությամբ սկսել մրցաշրջանը, որի մեկնարկը մեր ձյուդոիստների համար կտրվի Վարշավայում` փետրվարի 22  -ին սկսվելիք Եվրոպայի գավաթի խաղարկության առաջին փուլի մրցաշարով: