Կալիֆորնիայում սկսվել  են անտառային հրդեհների պատճառով առաջացած ավերածությունների վերականգնման աշխատանքները: ԱՄՆ նորընտիր նախագահ Դոնալդ Թրամփը վստահեցրել է հանրությանը, որ <<  Լոս Անջելես – 2028 >> օլիմպիական խաղերի նախապատրաստությունը  կընթանա նախատեսվածի համաձայն:

Մարզահանդեսի պատասխանատուները  պնդում են, որ կարվի ամեն  բան,  որպեսզի ստուգատեսը լինի լավագույնը:

Մինչ որոշ քննադատներ հանդես են գալիս  խաղերի տեղափոխման գաղափարով, կազմկոմիտեն հաստատակամ է, որ քաղաքը պատրաստ է դիմակայել  մարտահրավերներին:

Հիշեցնենք, որ օլիմպիական խաղերի անցկացման համար նախատեսված ավելի քան 80 մրցավայրերից ոչ մեկը հրդեհից չի տուժել: Այդ  հանգամանքը ամրապնդել է  կազմակերպիչների դիրքորոշումը, ըստ  որի Լոս Անջելեսը մնում է ապահով ու հյուրընկալ քաղաք:

Ի դեպ, Թրամփը դեռևս  իր ղեկավարման  առաջին ժամկետի ընթացքում է աջակցություն  հայտնել Լոս Անջելեսի հայտին և նախատեսվում է  նրա  այցը Հարավային Կալիֆորնիա: