Միջազգային օլիմպիական կոմիտեի (ՄՕԿ) նորընտիր նախագահ Քիրստի Քովենտրին հյուրընկալվել է  Լոզանի օլիմպիական տանը: Նրան ջերմորեն են ընդունել ՄՕԿ-ի աշխատակիցները՝  նախագահ Թոմաս Բախի գլխավորությամբ: Շենք մտնելիս նոր նախագահին դիմավորել են  երկարատև  ու բուռն ծափահարություննեով և լուսանկարվել են խորհրդանշական սանդուղքի վրա:  

Քովենտրին հուզվել է ջերմ ընդունելությունից և ասել, որ այդ ամենը չի ջնջվի իր հիշողությունում և  որ երբևէ չէր կարծի, թե  կաշխատի օլիմպիական տանը:

Երախտագիտություն հայտնելով ներկաներին Քովենտրին նշել է, որ  շատ ոգևորված  է  հաջորդ ութ տարիների աշխատանքի համար և ամենի հիմքում ընկած կլինի  «Ես եմ, որովհետև մենք ենք» կարգախոսը:

Մինչ  Լոզան այցելելը, ՄՕԿ-ի նորընտիր նախագահը, Նամիբիայի Վինդհուկ քաղաքում մասնակցել է  Աֆրիկայի մարզիկների ֆորումին: Նրան այնտեղ դիմավորել է Նամիբիայի Հանրապետության նախագահ Նետումբո Նանդի-Նդաիթվահը և շնորհավորել  Քովենտրիին՝ ՄՕԿ –ի նախագահ ընտրվելու կապակցությամբ:

Հիշեցնենք, որ նորզելանդացի 41 –ամյա Քիրստի  Քովենտրին ՄՕԿ –ի 44 –րդ  վեհաժողովում անցկացված  նախագահի ընտրությունում,  բացարձակ մեծամասնությամբ է  հաղթող ճանաչվել՝   գերազանցեով   մյուս վեց թեկնածուներին և 130 –ամյա ՄՕԿ –ի  պատմության մեջ դարձել է  առաջին կին ղեկավարը, որը  թվով   տասներորդն է:

Քովենտրին  ոչ միայն առաջին կին ղեկավարն  է, այլ նաև առաջին աֆրիկացի և ամենաերիտասարդ նախագահը՝  Պիեռ դե Կուբերտենից հետո: Մինչ այժմ ՄՕԿ-ի բոլոր ղեկավարները եվրոպացի էին, բացառությամբ՝  ամերիկացի Էյվերի Բրունդիջի։

Նորընտիր նախագահը լողորդուհի է և Աֆրիկա աշխարհամասից  օլիմպիական խաղերի ամենաշատ՝  յոթակի մեդալակիրը.  կրկնակի չեմպիոն  (2004թ., 2008թ.), եռակի փոխչեմպիոն և  մեկ բրոնզե պարգև: Եղել է նաև  աշխարհի եռակի ոսկե դափնեկիր:  

2018թ. Զիմբաբվեի սպորտի, հանգստի, արվեստի և մշակույթի նախարարն է, 2023թ. ՄՕԿ-ի գործկոմի անդամ և մարզիկների հանձնաժողովի նախագահը։

Քովենտրին ՄՕԿ –ի   նախագահի ղեկը պաշտոնապես  կստանձնի  առաջիկա հունիսի 23-ին: Մինչ պաշտոնի  ստանձնումը նա պարբերաբար կայցելի Լոզանի օլիմպիական տուն: