Հայաստանի ձյուդոյի հավաքականները  այսօր կավարտեն  ՌԴ Վլադիկավկազ քաղաքում   կազամակերպված միջազգային ուսումնամարզական հավաքը:  

Երիտասարդական հավաքականի ավագ մարզիչ Դավիթ Խաչատրյանը  թիմը կուղեկցի Լիտվայի Կաունաս քաղաք: Այնտեղ մայիսի 23 –ին կմեկնարկի Եվրոպայի գավաթի խաղարկության փուլը: Մարզիչը տատամի կուղեկցի Վահե Աղասյանին, Գոռ Սաֆարյանին / երկուսն էլ ՝ 60 կգ /, Լյովա Սրապյանին / 66 կգ / և Գոռ Կարապետյանին / 100 կգ /:

Մեծահասակների հավաքականը, մարզիչ Սուրեն Ամիրխանյանի գլխավորությամբ,   կմասնակցի ՌԴ Խաբարովսկում  մայիսի 23-26-ը  կայանալիք <<  Judo Russian Tour >>  միջազգային մրցաշարին։

Մեր երկիրը կներկայացնեն Մարտին Բադալյանը / 60 կգ /, Դավիթ Աղասյանը, Գոռ Բաբայանը / երկուսն էլ՝ 66 կգ /,Արտակ Թորոսյանը / 73 կգ / և  կանանց մրցաշարի մասնակից Սյուզաննա Մանուկյանը / 63 կգ /: