Միջազգային օլիմպիական կոմիտեում  (ՄՕԿ) 2025թ. հունիսի 23-ին պատմական պահ է նախատեսված:  ՄՕԿ-ի ղեկավար  Թոմաս Բախը  նախագահությունը պաշտոնապես  կփոխանցի Քիրստի Քովենթրիին:

Հատուկ արարողությունը տեղի կունենա Շվեյցարիայի Լոզան քաղաքի օլիմպիական տանը ՝  տեղական ժամանակով  11:00-ից  12:15- ը:

Կազմակերպության իններորդ նախագահ Բախը  պաշտոնը ստանձնել է 2013թ.  Բուենոս Այրեսում կայացած ՄՕԿ-ի 125-րդ նստաշրջանում: Նա ղեկին մնացել է 12 տարի: 2025թ. մարտին, Հունաստանում անցկացված  144-րդ նստաշրջանում, Բախը  ցմահ ընտրվել է  ՄՕԿ-ի պատվավոր նախագահ։

Նույն համաժողովում Քիրսթի Քովենթրին ընտրվել է ՄՕԿ –ի նախագահ  և կդառնա կառույցի  10-րդ ղեկավարը։