ՀԱՆԴԻՊԵԼ ԵՆ ՀԱՎԱՏՔԻ ԵՎ ՍՊՈՐՏԻ ՂԵԿԱՎԱՐՆԵՐԸ
Իր պաշտոնավարումը բարձր նոտայով ավարտելու վճռականությամբ, անցած հանգստյան օրերին, Հռոմ՝ Վատիկան կատարած այցի ժամանակ, ՄՕԿ-ի նախագահ Թոմաս Բախը մասնավոր հանդիպում է ունեցել Հռոմի պապի՝ Նորին Սրբություն Լեո XIV-ի հետ։
Գործիչները փակ դռների ետևում խոսել են սպորտի վերափոխող ուժի մասին: Նրանք համաձայնության են եկել օլիմպիական արժեքների, համերաշխության, խաղաղության վերաբերյալ ու քննարկել դրանք ամրապնդելու գործընթացը:
Սուրբ Պետրոս եկեղեցում սպորտի և հավատքի կապի տոնակատարությանը նվիրված հատուկ պատարագից հետո, Հռոմի պապ Լեոն, Սուրբ Պետրոսի հրապարակում կարդացել է իր «Հրեշտակային» աղոթքը: Նա ներկաներին խրախուսել է դեմ լինել բռնության և ճնշման բոլոր ձևերին։
«Սպորտը ոչ միայն ֆիզիկական կատարողականություն է, այլև մարդկության ուղի: Ավելին, այն կարող է մարդկանց միավորել, միայնությունը հաղթահարելու հույս ներշնչել», - ասել է Հռոմի պապը:
