ՀՀ  ծանրամարտի ֆեդերացիան և  հակադոպինգային գործակալությունը  Գյումրիում  համատեղ կազմակերպել են  սեմինար-դասընթաց:  Ունկնդիրներին ներկայացվել է ADEL (Anti-Doping Education and Learning) կրթական ծրագիրը: Քննարկվել են նաև  հակադոպինգային հիմնական կանոններն ու սկզբունքները։

Սեմինարի նպատակն էր բարձրացնել մարզիկների, մարզիչների և մարզական ոլորտի մասնագետների իրազեկվածությունը դոպինգի վտանգների, կանխարգելման և արդար մրցակցության կարևորության վերաբերյալ։

Դասընթացին մասնակցել են Հայաստանի ծանրամարտի տարբեր տարիքային հավաքականների ներկայացուցիչներն ու մարզիչները:

Աշխատանքները ղեկավարել են  գործակալության տնօրեն, շնորհալի մարզական բժիշկ Դավիթ Մոսինյանը և կազմակերպության փոխտնօրեն,  կենսաբանական գիտությունների դոկտոր, պրոֆեսոր  Արեգ Հովհաննիսյանը: