ՆՈՐ ԱՇԽԱՏԱՆՔԱՅԻՆ ԽՄԲԵՐ
ՄՕԿ –ի նախագահ Քրիսթի Քովենթրին հայտարարել է երկու նոր աշխատանքային խմբերի ստեղծման մասին:
Առաջին խումբը կհսկի ամառային և ձմեռային օլիմպիական խաղերը հյուրընկալող քաղաքների ընտրության գործընթացը, իսկ մյուսը կկենտրոնանա սպորտում կանանց իրավունքների խնդիրների վրա։
«Դադար՝ մտորելու համար» անվանումով խորհրդակցությունները կշարունակվեն առաջիկա ամիսներին: Ընդհանրապես նպատակն է ձևավորել օլիմպիական շարժման նոր ճանապարհային քարտեզ։ Քննարկվել են ծախսերին, եկամուտների ստեղծման, հյուրընկալող քաղաքի ընտրության ժամկետներին վերաբերող հարցեր։
Նշվել է, որ որոշ օլիմպիական մայրաքաղաքների նախապատրաստության համար տրվել է ավելի քան մեկ տասնամյակ, ինչպես է օրինակ՝ Լոս Անջելեսի և Բրիսբենի դեպքում: Հաջորդներին կտրվի այդ ժամանակի կեսը:
Ֆրանսիայի Ալպերը 2030թ. ձմեռային խաղերը ստացել է միայն անցյալ տարվա հուլիսին, ինչը վկայում է, որ մինչև բացման արարողությունը մնացել է վեց տարուց էլ պակաս։
Կարճ նախապատրաստական ժամանակը կարող է հարմար լինել այն երկրների համար, որոնք մի քանի անգամ հյուրընկալել են օլիմպիական խաղերը: Սակայն դա կարող է լուրջ խոչընդոտ լինել այն երկրների համար, որոնք դեռևս չունեն միջոցառումը կազմակերպելու համար անհրաժեշտ փորձ:
Հնդկաստանը, որը հավակնում է 2036թ. խաղերին, հույս ունի, որ օլիմպիական խաղերի անցկացումը հնարավորություն կտա իր ենթակառուցվածքներում կատարել ներդրումներ:
Քանի որ կազմակերպիչները ստիպված են ավելի շատ խոչընդոտներ հաղթահարել, ՄՕԿ –ը «Օրակարգ -2020»-ի միջոցով իրականացվող խոշոր բարեփոխումների շնորհիվ, դիտարկում է աջակցել կազմակերպիչներին:
Քովենթրին նաև ասել է, որ ՄՕԿ –ի անդամները ցանկանում են ավելի շատ թափանցիկություն և տեղեկատվություն ստանալ կազմկոմիտեներից:
Ինչ վերաբերում է կանանց իրավունքների աշխատանքային խմբին, ապա այն կազմված կլինի փորձագետներից և միջազգային ֆեդերացիաների ներկայացուցիչներից։ Նրանք կփնտրեն լուծումներ, որոնք կհամապատասխանեն տարբեր մարզաձևերին՝ հաշվի առնելով դրանց առանձնահատկությունները։
