Հայաստանի մինչև 16 տարեկան բասկետբոլիստների  հավաքականը շարունակում է  ելույթները Եվրոպայի առաջնության C դիվիզիոնի  ենթախմբային հանդիպումները:

Հերթական տուրում  մեր տղաները  90:38 հաշվով հաղթեցին Ջիբրալթարի հավաքականին:

Հանդիպման ամենաարդյունավետ խաղացողը Էդգար Աղաբեկյանն էր, որը վաստակեց 17 միավոր:

Հայաստանի թիմը  երեք խաղից հետո տոնել է երկու հաղթանակ և մտել է  կիսաեզրափակիչ:

Նույն տարիքային խմբում  Հայաստանի աղջիկների  հավաքականը ավարտել է  իր ելույթները Եվրոպայի առաջնության երրորդ դիվիզիոնի  առաջին ենթախմբի մրցաշարում  և պայքարը կշարունակի  5-8 -րդ տեղերի համար:

Այսօր կսկսվեն  նաև Եվրոպայի  մինչև 20 տարեկան տղաների ենթախմբային հանդիպումները: 

Մեր հավաքականը մրցման է մեկնել  նորանշանակ  ավագ մարզիչ Գեորգի Ղազանչյանի գլխավորությամբ: Ռումինիայի Պիշտետ քաղաքում  մեր ընտրանին կմրցի Շվեդիայի, Հունգարիայի, Ուկրաինայի, Կոսովոյի և Մոլդովայի հավաքականների հետ: