Ռիո դե Ժանեյրոյի կենտրոնական  այգու սրտում, հեծանվահրապարակի  երկրորդ հարկում, պաշտոնապես իր դռներն է բացել օլիմպիական թանգարանը:

Միջոցառումը համընկել  է << Ռիո - 2016 >>  ամառային խաղերի իններորդ տարեդարձի հետ:

Այցելուները կծանոթանան Հարավային Ամերիկայում անցկացված առաջին խաղերի դինամիկ և ինտերակտիվ ճանապարհորդությանը՝  դիտելով քաղաքի ուշագրավ վերափոխումը, անմոռանալի մարզական պահերը և թողած ժառանգությունը։

Կազմակերպիչները նշում են, որ թանգարանը ցույց է տալիս մարզական միջոցառման  տոնակատարության գեղեցիկ պահերը,  որը գրավել է աշխարհը:

Հիմնական առանձնահատկություններից են 13 թեմատիկ գոտիները և 80 ինտերակտիվ  գործերը՝ սկսած մարմնամարզության սիմուլյացիոն օղակներից մինչև կանոէ սլալոմի փորձառություններ։

Ցուցադրված են  նաև միջոցառման բնօրինակ արտեֆակտները, ինչպիսիք են օլիմպիական ջահը, մեդալները և սարքավորումները։

Մարզիկների, կամավորների, կազմակերպիչների և պաշտոնյաների պատմությունները կենդանանում են հարուստ մուլտիմեդիա ներկայացումների միջոցով:

Բովանդակության 39%-ը նվիրված է օլիմպիական շարժման պատմությանը և արժեքներին՝ ապահովելով օլիմպիզմի համապարփակ ըմբռնումը:

Թանգարանը արտացոլում է օլիմպիական խաղերի հուզմունքն ու փառքը, միաժամանակ հիշեցնելով այն հզոր պատմությունը, թե ինչպես  է մարզահանդեսը  նպաստել քաղաքի վերափոխմանը և ազդեցություն թողել  բնակիչների կյանքի վրա:

Ռիոյի նորաբաց մարզամշակութային օջախը  դարձել է օլիմպիական թանգարանների ցանցի 37-րդ անդամը՝ միանալով 2006թ.  հիմնադրված և Շվեյցարիայի Լոզան քաղաքում գտնվող օլիմպիական ցուցասրահին: