Միջազգային օլիմպիական կոմիտեի հովանու ներքո, ՀԱՕԿ –ի նախաձեռնությամբ մայրաքաղաքի Օլիմպավանում անցկացվեց «Խթանել մարզիկների  և նրանց աջակցող անձնակազմի իրազեկվածության մակարդակը Հայաստանի մարզերում» սեմինար – խորհրդակցություն: Նման թեմայով միջոցառում  տեղի է  ունեցել նաև Գյումրիում և Վանաձորում:

Երևանյան սեմինարին մասնակցեցին տարբեր մարզական ֆեդերացիաների ավելի քան 50 պատվիրակներ:

ՀՀ  սպորտային  օրենսդրության փոփոխությունները 2025թ արգելված   ցանկի և АRМ-NADO կայքի  փոփոխությունների  մասին զեկույցով հանդես եկավ դոկտոր պրոֆեսոր Արեգ Հովհաննիսյանը:

Սպորտում  օգտագործման համար  թույլատրված և  արգելված բժշկական նյութերի և դրանց ապրանքանիշերի  որոնման և սննդային հավելումների  օգտագործման վերաբերյալ խոսեց ՀՀ հակադոպինգային կենտրոնի ղեկավար Դավիթ  Մոսինյանը:

 <<ADEL >>-ի  կիրառման  մեթոդաբանությունը և Play True վիկտորինայի անցկացումը թեմայով հանդես եկավ  Գոհար Սահակյանը:

Անժելա Սահակյանը ունկնդիրների ուշադրությանը ներկայացրեց դոպինգի պատմության, դոպինգի վտանգների և թեստավորման  ընթացակարգի հարցերը: Կայացավ նաև երիտասարդ մարզիկների և դպրոցականների  համար կրթական ֆիլմերի շնորհանդեսը:  

Ելույթներում կարևորվեց, որ մինչև 2025թ. բոլոր օլիմպիական մարզաձևերի ներկայացուցիչները / մարզիկներ, մարզիչներ, բժիշկներ ,անձնակազմ և այլն /  պետք է ունենան  <<ADEL >> - ի հավաստագիր: Այդ փաստաթուղթը արդեն ունեն  մեր ծանրորդները և  ըմբիշները: Իսկ ինչ է իրենից ներկայացնում <<ADEL >> -ը: Դա դոպինգի համաշխարհային կազմակերպության պարտադիր արտոնագիր  է:

Բանախոսները անդրադարձան  թեստավորման ընթացքում մարզիկների, մարզիչների իրավունքների ու պարտականությունների փոփոխություններին, որտեղ հատկապես կարևորվում է  կրտսեր տարիքայինների գործընթացը:  

Ներկաները  զեկուցողներին դիմեցին բազմաթիվ հարցերով, որոնց տրվեցին սպառիչ պատասխաններ: Եղավ նաև մտքերի փոխանակում: