<< Milan-Cortina d'Ampezzo  - 2026 >>  ձմեռային օլիմպիական խաղերի  կազմկոմիտեն   հայտնել է փոխանցավազքի վեց մասնակցի անունը:  

Ջահակիրների թվում կլինի Իտալիայի ամենահայտնի թենիսիստուհիներից մեկը՝ երկու օլիմպիական խաղերի մասնակից Ֆլավիա Պենետան:

Վեցյակի մարզիկներից է մոտոցիկլավար, աշխարհի կրկնակի չեմպիոն  Ֆրանչեսկո Բանյայան:

Ամենահետաքրքիրը   89-ամյա Դարիո Պիվիրոտտոյի կենսագրությունն է: Ալպյան Վինիգո դի Կադորե գյուղի բնիկը  արդեն մասնակցել է  երկու  փոխանցավազքի՝ 1956թ.երբ խաղերն առաջին անգամ անցկացվեցին Պինակոտեկա դ'Ամպեցոյում, և գրեթե կես դար անց՝ Թուրինում: Նա խորհրդանշում է  սերունդների շարունակականությունը և սպորտի հանդեպ անսպառ սերը:

Ընտրյալ վեցյակում են նաև խոհարար Լուսիա Տելիոնեն, որը հայտնի է իր սոցիալական նախագծերով, հայտնի երաժիշտ Աչիլե Լաուրոն և Ֆրանկո Անտոնելին՝  հիմնադրամի ղեկավարը։

Օլիմպիական ջահի ճանապարհորդությունը կսկսվի  նոյեմբերի 26-ին՝ Հին Օլիմպիայից և կանցնի Հունաստանի ձմեռային մարզաձևերի վայրերով։

2200 կիլոմետր երկարությամբ   փոխանցավազքը նախատեսված է անցկացնել Հունաստանի 12 խոշորագույն լեռնադահուկային հանգստավայրերով, մշակութային կենտրոններով և  Աթենք - Պիրգոս - Սալոնիկ քաղաքներով։

Կրակը կուղեկցեն 450 ջահակիրներ: Ճանապարհորդությունը  կավարտվի Պանատինաիկոս մարզադաշտում՝ դեկտեմբերի 4-ին: Ջահը կհանձնվի  Միլանո Կորտինա  -2026-ի կազմկոմիտեին, որը կրակը կտեղափոխի Իտալիա: